Azərbaycan Dövlət Neft Şirkətinin (ARDNŞ) törəmə şirkəti olan «SOCAR Trading» Misirdə siyasi vəziyyətin gərginləşməsi ilə əlaqədar bu ölkədə üçüncü ölkələr üçün neftin emalı və satışını dayandırıb.
APA-nın «korrespondent.net»» portalına istinadən verdiyi məlumata görə, bu barədə «SOCAR Trading» şirkətinin nümayəndəsi bildirib.
Məlumata əsasən, 2010-cu ilin may ayından etibarən «SOCAR Trading» İsgəndəriyyə şəhərində yerləşən «Midor» Neftayırma Zavoduna ayda 1-1,5 mln. barel neft nəql edirdi. Həmin neftdən emal olunmuş neft məhsulları Misir baş neft korporasiyasına satılırdı.
«SOCAR Trading»in nümayəndəsi bildirib ki, bu prosesin sxemi kredit riski əsasında aparıldığından, buraya banklar cəlb olunub və Misirdə vəziyyət yaxın vaxtlarda stabilləşməsə banklar bu əməliyyatların maliyyələşdirmə riskinə yenidən baxa bəlir: «Hazırda biz fasilə götürmüşük, işin davamı isə maliyyə risklərinin qiymətləndirilməsindən asılı olacaq».
O həmçinin deyib ki, yaxın vaxtlarda Azərbaycan və onlarla əməkdaşlıq edən Misir banklarının nümayəndələri arasında vəziyyəti araşdırmaq üçün Misirdə görüş keçiriləcək: “İsgəndəriyyədəki neft emalı zavodu işini dayandırmayıb. Hazırda orada «SOCAR Trading»in nefti emal olunur, zavoda «Azeri Light» deyil, ərəb ölkələrində çıxarılan daha ağır neft nəql olunur”.
Braziliya Ciu-citsu döyüş sənətinin No-Gi versiyası üzrə turnir keçirilib
Nazirlik “Bravo”nu məhkəməyə verdi
Milli Qəhrəman Mübariz İbrahimovun doğum günüdür
Hava ilə bağlı xəbərdarlıq - Bakıya qar yağacaq
.jpg)
