Azərbaycan Milli Məclisinin sabiq deputatı Əhəd Abıyevin qardaşı oğlu Milli Təhlükəsizlik Nazirliyinin (MTN) əməkdaşları tərəfindən həbs edilib.
Bu barədə Simsar.az-a eksklüziv məlumatı Ə. Abıyevə yaxın şəxslər bildiriblər. Məlumata görə, iki gün əvvəl Ə. Abıyevin qardaşı oğlu, Abıyev Raqif Malik oğlu Ukraynadan Azərbaycana gələrkən Sərhəd Keçid Məntəqəsində saxlanılıb. Maraqlıdır ki, onun saxlanılması narkotik qaçaqmalçılığında ittiham olunması ilə bağlıdır. Belə ki, hələ ötən ilin payızında Ə. Abıyevin sözügedən qardaşı oğlunun narkotik ticarətində ittiham edilməsi ilə bağlı məlumat yayılmışdı.
Həmin vaxt Masallı rayon MTN-nin əməkdaşları İrandan Azərbaycana qaçaqmalçılıq yolu ilə külli miqdarda, 1.2 kiloqram heroin keçirən üç nəfəri həbs etmişdilər. Və belə bir məlumat yayılmışdı ki, həbs edilən şəxslərin başında Ə. Abıyevin qardaşı oğlu dayanır. O vaxt bu xəbərlər təkzib olunsa da, cinayət işinin istintaqı zamanı məsəlinin üstünü örtmək mümkün olmayıb.
Belə ki, ifadə verən şəxslər onlara rəhbərliyi Raqif Abıyevin etdiyini deyiblər. Raqif Abıyevin isə həmin vaxt saxlanılması mümkün olmayıb. Çünki o, artıq həmin vaxt Ukraynaya qaça bilib. Lakin iki gün əvvəl Ukraynadan Azərbaycana gəlmək istəyən R. Abıyev MTN əməkdaşları tərəfindən həbs edilib. Maraq üçün qeyd edək ki, R. Abıyevin başqa bir əmisi olan Zəfər Abıyev Ukraynada Azərbaycanın Daxili İşlər Nazirliyinin nümayəndəsidir. Elə R. Abıyev də əvvəllər Masallı polisində Cinayət-axtarış şöbəsində işləyib.
Hazırda MTN-də saxlanan R. Abıyevin yaxın günlərdə istintaqa təhvil veriləcəyi gözlənilir. Bu işə üzrə yaxın günlərdə Ağır Cinayətlərə Dair işlər üzrə Məhkəmədə proses də başlayacaq.
Qeyd edək ki, Milli Məclisin sabiq deputatı Ə. Abıyev dəfələrlə mətbuata açıqlamasında ayrı-ayrı şəxsləri narkotik ticarətində suçlayaraq, onların haqqında ölçü götürülməsini istəyib. Göründüyü kimi artıq ölçü götürülüb...
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
