Bu gün Bakı Dövlət Universitetinin (BDU) Kimya, Fizika və Biologiya fakültələrinin I və II kursunda təhsil alan 17 nəfər magistr BDU və Moskva Fizika-Texniki İnstitutu (MFTİ) arasında imzalanmış Anlaşma Memorandumuna əsasən MFTİ-də magistratura təhsillərini davam etdirmək üçün imtahan veriblər. Bu barədə APA-ya BDU-nun Mətbuat və informasiya şöbəsindən məlumat verilib.
Məlumata görə, imtahan prosesini BDU-nun rektoru Abel Məhərrəmov izləyib, o, tələbələrlə söhbət edib.
İmtahan MFTİ-nin əməkdaşlarının nəzarəti altında yazılı və şifahi şəkildə keçirilib. Müsabiqədən keçmiş tələbələr fevral ayından etibarən təhsillərini həmin institutun müvafiq fakültələrində davam etdirəcəklər. MFTİ müsabiqənin 2 nəfər qalibini öz hesabına oxutmaq niyyətindədir. Əgər müsabiqədən keçənlərin sayı 2 nəfərdən çox olarsa, onların təhsillərini Azərbaycan dövləti öz üzərinə götürəcək.
Fizika fakültəsindən 7, Geologiya və Kimya fakültələrinin hər birindən isə 5 magistrin qatıldığı imtahan sualları MFTİ tərəfindən tərtib edilib.
İmtahan prosesini Azərbaycan tərəfindən Fizika fakültəsinin professoru Rəna Qasımova və Fizika İnstitutunun professoru Nadir Abdullayev də izləyiblər.
Braziliya Ciu-citsu döyüş sənətinin No-Gi versiyası üzrə turnir keçirilib
Nazirlik “Bravo”nu məhkəməyə verdi
Milli Qəhrəman Mübariz İbrahimovun doğum günüdür
Hava ilə bağlı xəbərdarlıq - Bakıya qar yağacaq
.jpg)
