Arif Hacılı: “Yaxın günlərdə bu barədə qərar qəbul ediləcək”
“Müsavat Partiyası kütləvi aksiyaların keçirilməsi ilə bağlı yaxın günlərdə qərar qəbul edəcək”. Bu barədə Müsavat Partiyasının İcra aparatının rəhbəri Arif Hacılı Simsar.az-a bildirib.
“Yaxın zamanlarda aksiyaların keçirilməsi ilə bağlı partiyada müzakirələr aparılacaq. Biz kütləvi aksiyaların Azərbaycanda fəaliyyət göstərən bütün ictimai-siyasi təşkilatlarla birgə keçirilməsinin tərəfdarıyıq. Ancaq digər siyasi qüvvələr bu aksiyalara qatılmasa, biz AXCP ilə birgə yolumuzu davam edəcəyik”.
Onun sözlərinə görə, artıq Azərbaycanda kütləvi aksiyaların keçirilməsi üçün zaman yetişib.
“Ölkədə ilk növbədə sərbəst toplaşmaq hüququnun bərpa edilməsi, demokratiya uğrunda və vətəndaşların hüquqlarının qorunması yolunda Azərbaycanda kütləvi aksiyaların keçirilməsi zəruridir” –deyə A.Hacılı qeyd edib.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
