Türkan Şorayın yazdığı "Kino və Mən" kitabının imza günü təşkil edilib
Türkan Şorayın “Berlin Türk Evində” imza günü təşkil olunub. Zalı dolduran Türklər saatlarla Türkan Şoray ilə görüşə bilmək üçün ayaqda növbə gözləyiblər. Türkan Şorayın yazdığı "Kino və Mən" kitabını ala bilmək üçün pərəstişkarları bir-biriylə yarışıb.
Tədbir zamanı Türkan Şoraya Azərbaycan mənşəli olduğuna dair sual verilib. Aktrisa soy köküylə bağlı dərin tədqiqat aparmadığını bildirib: “Ana tərəfindən Rumelinə, ata tərəfindən isə Qafqazlara mənsubam. Soy-kökümlə bağlı dərin tədqiqat aparmamışam, ancaq Naxçıvanlı olduğumuza dair rəvayətlər olduğunu bilirəm. Qısa müddət əvvəl Azərbaycana səfərim olub, orada da mənə böyük sevgi bəsləndiyinə şahid olmuşam”.
Türkan Şoray mərhum prezident Heydər Əliyevlə bağlı xatirəsini pərəstişkarları ilə bölüşüb: "Sovetlər dövründə "Səlvi Boylum, Al Yazmalım" filmim Bakıda nümayiş etdirilib. Azərilər filmi çox bəyənib və ondan sonra dünyaya gələn qız uşaqlarına "Türkan" adını veriblər. Azərbaycanda Türkan adının məşhur olduğunu mərhum prezident Heydər Əliyev mənə deyib”.
Türkan Şoray, Berlin Türk Evində dörd saatdan çox pərəstişkarları ilə tək-tək görüşüb.
Abdulkadir İnaltekin
Berlindən xüsusi olaraq Simsar.az üçün
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
