Məlumatlara görə, başqanın namizədlik təklifi AXCP sədri tərəfindən qəbul olunmadığı üçün birlik alınmayıb
AXCP ilə Müsavat Partiyası arasında birləşmə ilə bağlı aparılan müzakirələrin nəticəsiz olmasının günahı bir çox hallarda ikincinin üzərinə atılır. AXCP-nin sonuncu qurultayında «birləşmə» qərarı önə çəkilərək bildirilir ki, Müsavat Partiyasının başqanı İsa Qəmbər verdiyi sözün üstündə durmayaraq seçkidən sonra fikrini dəyişib. Guya AXCP ilə birləşmədiyi üçün Müsavat Partiyasının bir neçə funksioneri partiyadan istefa verib. Əldə etdiyimiz məlumatlara görə, birliyin baş tutmamasının səbəbkarı heç də İsa Qəmbər olmayıb. Sonradan inkar etsə də AXCP ilə bir ad altında birləşmək ideyasının müəllifi İsa Qəmbərin olduğu hər kəsə məlumdur. Təbii ki, başqan ideyanı şərtsiz-filansız irəli sürülməyib. Məlumatlara görə, İsa Qəmbər təklif edib ki, birləşmiş partiyanın başqanı Əli Kərimli, 2013-cü il prezident seçkisində vahid namizəd isə özü olsun. Bu təkliflə Ə.Kərimlinin razılaşmadığı qeyd olunur. Görünür AXCP sədri hesab edir ki, növbəti prezident seçkisi üçün müxalifətin real namizədi elə onun özüdür. Digər müxalifət liderləri isə bundan öncəki prezident seçkilərində iştirak edib və məğlubiyyətə uğrayıb. Ə.Kərimlinin İ.Qəmbərin namizədliklə bağlı təklifini qəbul etməməsi sonuncudun birləşmək fikrindən vaz keçməsinə səbəb olub. Amma AXCP sədrinin müavini Fuad Qəhrəmanlı müzakirələrdə 2013-cü il prezident seçkisində kimin namizəd olmasının müzakirə edilmədiyini deyir: «Namizədlik məsələsi müzakirə olunmayıb. Bununla bağlı partiya sədrləri arasında hansısa müzakirələrin aparıldığını isə deyə bilmərəm. Məncə nə İsa Qəmbər AXCP sədrinə belə bir təklif edib, nə də AXCP sədri bundan imtina edib. AXCP birləşmə ilə bağlı öz qərarını verib. Biz Müsavat Partiyasının qurultayının qərarını gözləyirik. Qurultayda hansı qərar qəbul olunsa ona uyğun qərarımız olacaq».
RUSLAN
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
