Bu gün səhər saatlarında ABŞ-ın İllinoys ştatındakı Atom Elektrik Stansiyasında nüvə tullantılarının partlaması nəticəsində sızma baş verib.
Lent.az-ın NBC telekanalına istinadən verdiyi məlumata görə, partlayış müəssisənin enerji təchizatı üçün metan istehsal edən blokunda baş verib. Müəssisə Çikaqo şəhərindən 60 kilometr uzaqda yerləşir. Partlayış nəticəsində işçilər arasında xəsarət alan olmayıb. Partlayış nəticəsində 1,5 qallon (6,8 litr) nüvə tullantısı yaxınlıqdakı Kanaki çayına istiqamətlənib.
Yerli yanğınsöndürmə xidmətinin rəhbəri Rona Yanqa deyib ki, yanğınsöndürənlər və təhlükəli materialların idarə edilməsi üzrə mütəxəssislərdən ibarət dəstə çay istiqamətində axının əsas hissəsini dayandırmağı bacarıb və nüvə tullantıları xüsusi konteynerə yığılıb.
Hökumət orqanları olayın səbəbini araşdırır və Kanaki çayının çirklənmə səviyyəsini qiymətləndirməyə cəhd göstərir.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
