Abituriyentlər imtahan nəticələri barədə məlumatı iş nömrələrini 7727 nömrəsinə göndərməklə öyrənə bilərlər
“II ixtisas qrupu üzrə keçid balı bu gün axşam məlum olacaq”.
Bunu Simsar.az-a açıqlamasında Tələbə Qəbulu üzrə Dövlət Komissiyasının mətbuat katibi Elnur Nağızadə bildirib.
E. Nağızadənin sözlərinə görə, qeyd olunan ixtisas üzrə keçid balının 250 bal olması gözlənilir: “II ixtisas üzrə keçid balı təxminən 250 bal olacağı gözlənilir. Lakin daha dəqiq günün ikinci yarısında məlum olacaq”.
TQDK avqustun 3-də 2012-2013-cü tədris ili üçün ali təhsil müəssisələrinə 2-ci ixtisas qrupu üzrə qəbul imtahanı keçirib. 2012-ci ildə II qrup üzrə 22867 abituriyent ərizə təqdim edib. İmtahan respublikanın 6 şəhərində - Bakıda 22, Naxçıvanda 2, Gəncədə 5, Sumqayıtda 4, Şəkidə 3, Lənkəranda 3 binada baş tutub.
Qeyd edək ki, imtahanda istifadə olunmuş sualların bütün variantlar və bölmələr üzrə düzgün cavabları, eləcə də balların hesablanması proqramı artıq TQDK-nın internet saytında yerləşdirilib. Abituriyentlər imtahan nəticələri barədə məlumatı həmçinin iş nömrələrini 7727 nömrəsinə göndərməklə mobil telefonla “İmtahancell” xidməti vasitəsilə öyrənə bilirlər.