Türkiyədə yaşayan iranlı azərbaycanlılar bu ölkədə azərbaycanlılara qarşı təzyiq və təqiblərə etiraz edib
Türkiyədə yaşayan iranlı azərbaycanlılar İranın Ankaradakı səfirliyinin qarşısında etiraz aksiyası keçiriblər. Türkiyə paytaxtının mərkəzindəki Kuğulu Parkda toplaşanlar İran səfirliyinin ətrafında bu ölkədə azərbaycanlılara qarşı təzyiq və təqiblərə etiraz edib, şüarlar səsləndiriblər.
Aksiya iştirakçılarının mətbuat üçün açıqlamasında 2006-cı ilin may ayında İranda qətlə yetirilmiş azərbaycanlıların ailələrinə təzminat ödənilməsi, fars dilində adlarla dəyişdirilmiş toponimlərin bərpa olunması, Urmiya gölünün xilas edilməsi üçün təcili tədbirlər görülməsi, məktəblərdə Azərbaycan türkcəsində təhsilə imkan verilməsi tələbləri yer alıb.