Müğənninin prodüsseri narazılıq etdi
Əməkdar artist Mətanət İsgəndərlinin xoşagəlməz halla qarşılaşdığını duyduq. Kimsə qərəzli şəkildə müğənninin adından Facebook Sosial Şəbəkəsində profil açıb və onun anti-reklamı ilə məşğul olub. Yaxınları bundan xəbər tutaraq, saytın adminstrasiyasına şikayət ediblər. Şikayətə əsasən, yalançı profil silinib. Simsar.az saytına danışan müğənninin prodüsseri və bacısı Təranə xanım bunları dedi: “Təəssüf ki, həyatda nadan insanlar var. Onlar başqasının adından bu cür istifadə edib, ləkələmək istəyirlər. Mətanət xanımın Facebookda heç vaxt profili olmayıb. Bunu kimsə qərəzli şəkildə etmişdi ki, onun şəxsinə və sənətinə kölgə salsın. Amma alınmadı”. Söhbət zamanı Təranə xanım onu da bildirdi ki, müğənninin yaradıcılıq işləri o qədər çoxdur ki, onun nəinki internetə girməyə, hətta kompüter arxasında oturmağa belə, vaxtı yoxdur: “Mətanət xanımın Facebookda profil açmaq, ya da o cür saytlara girməyə vaxtı yoxdur. Hazırda yeni albom üzərində çalışır. Silsilə yeni mahnılar yazdırır. Gənc bəstəkar Sevinc Mansurova ilə işbirliyi qurub, onun bir neçə mahnısını ifa edəcək. Bundan başqa, Rauf Məmmədovun və Nadir Əzimovun onun üçün yazdığı yeni mahnıları da yazdırmağa hazırlaşır”.
Söhbətimizin sonunda Təranə xanım hər kəsə müraciət edərək “Ayıbdır, bəzi dələduzlar tanınmış adamların adından istifadə edib, onları gözdən salmağa çalışmasınlar”-deyə, narazılıq etdi.
Azər Nəsibov
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
