Xarici işlər naziri Argentinanın xarici işlər üzrə katibinin müavini ilə görüşüb
Azərbaycanın xarici işlər naziri Elmar Məmmədyarov Azərbaycanda səfərdə olan Argentinanın xarici işlər üzrə katibinin müavini xanım Norma Nasimbene de Dümontla görüş keçirib. Nazirliyin mətbuat xidmətindən ANS PRESS-ə verilən məlumata görə, görüş zamanı Azərbaycan - Argentina münasibətləri, iki ölkə arasında mövcud olan müqavilə-hüquq bazasının vəziyyəti müzakirə edilib və bunun genişləndirilməsinin vacibliyi qeyd olunub. Tərəflər ikitərəfli əlaqələrin inkişaf etdirilməsi üçün geniş potensialın olduğunu vurğulayaraq, qarşılıqlı səfərlərin ölkələrarası münasibətlərin inkişaf etdirilməsində mühüm rol oynadığını bildiriblər.
Nazir Elmar Məmmədyarov həmçinin Dağlıq Qarabağ münaqişəsinin sülh yolu ilə həlli məqsədilə aparılan danışıqların hazırkı durumuna dair məlumat verib.
Həmçinin görüş zamanı tərəflər beynəlxalq təşkilatlar çərçivəsində əməkdaşlıq və qarşılıqlı maraq doğuran digər məsələlər ətrafında fikir mübadiləsi aparıblar.
Seymur İsayev jurnalistləri təbrik etdi
Səyyad Aran və Siyavuş Heydərov vəzifədən azad edildi
Adil Əliyev icra başçısı təyin edildi
Aybəniz Haşımova Emin Əmrullayevə təşəkkür etdi
.jpg)
