Aksiya oktyabrın 5-də olacaq
ARDNŞ üç ildir hemofiliya və talassemiyadan əziyyət çəkən uşaqlara yardım göstərilməsi sahəsində “Savab Dünyası” Talassemiya Assosiasiyası və B.Eyvazov adına Elmi-Tədqiqat Hematologiya və Transfiziologiya İnstitutu ilə səmərəli əməkdaşlıq edir.
ARDNŞ-nin mətbuat xidmətindən SalamNews-a verilən məlumata görə, bu əməkdaşlıq çərçivəsində 2009-cu ildə 3 mindən çox, 2010-cu ildə isə təqribən 5 min neftçi qanvermə aksiyalarında iştirak edib. Bu il də neftçilər qan xəstəliklərindən əziyyət çəkən həmvətənlərimizə yardım məqsədi ilə aparılan kampaniyada fəallıq göstərirlər. İndiyədək ARDNŞ-nin idarə və müəssisələrində çalışan 1200 neftçi “Talassemiyasız həyat naminə” devizi altında gerçəkləşdirilən aksiyalarda qan verib.
Oktyabrın 5-də ARDNŞ-nin Baş ofisində və Şirkətin Sərmayələr İdarəsində də analoji humanitar tədbirin keçirilməsi planlaşdırılıb. B.Eyvazov adına Elmi-Tədqiqat Hematologiya və Transfiziologiya İnstitutu ilə birgə hazırlanmış cədvələ uyğun olaraq, 2012-ci ilin fevralınadək davam edəcək qanvermə kampaniyasında ARDNŞ-nin bütün struktur bölmələrinə daxil olan idarə və müəssisələrdə çalışan 80 minə yaxın əməkdaşın könüllü iştirakı nəzərdə tutulub.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
