Dənizkənarı Milli Park İdarəsi “Eurovision-2012” yarışması ərəfəsində bir sıra yeniliklərə imza atacaq
Azərbaycanın Dənizkənarı Milli Park İdarəsi “Eurovision-2012” yarışması ərəfəsində bir sıra yeniliklərə imza atacaq. Bu barədə açıqlamasında Dənizkənarı Milli Park İdarəsinin rəis müavini Nazim Məcidov məlumat verib.
O, yeniliklərin müsabiqəyə gələn xarici qonaqların diqqətini çəkəcəyinə əmin olduğunu bildirib: “Gələn il “Eurovision” müsabiqəsinin keçiriləcəyi Bakı şəhərinin ən gözəl, turistlər üçün ən maraqlı məkanlarından biri Dənizkənarı bulvar ərazisi olduğundan, biz də buna çox ciddi hazırlaşırıq. Sevindirici haldır ki, “Eurovision“ müsabiqəsinə qədər Dənizkənarı Bulvar ərazisi daha 2 kilometr genişlənəcək. Artıq bu işlərə start verilib, Bayraq meydanına qədər olan məsafədə genişlənmə işləri aparılır və “Eurovision” müsabiqəsi keçirilən günlərdə Bakıya gələn qonaqlar artıq 4 yox, 6 kilometr ərazini rahat gəzəcəklər”.
N. Məcidov bulvarın yeni hissəsinin də, köhnə hissəsi kimi çox gözəl və möhtəşəm olacağını vurğulayıb: “Piyadalar üçün də, velosiped sürənlər üçün də xüsusi xətt tikilir. Dünyanın ən inkişaf etmiş ölkələrində yeni nə istehsal olunursa, o cümlədən velosipedlər, gəzinti taksiləri, hətta dəniz gəzintisi üçün gəmi alınacaq. Bu istiqamətdə artıq işlər aparılır. İşlərin əsas hissəsi 2011-ci ilin may ayına qədər yekunlaşacaq”.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
