Bu təhsil ocaqlarına 5 il fəaliyyət göstərmək imkanı verildi
Azərbaycan Təhsil Nazirliyi ölkə ərazisində fəaliyyət göstərən iki ali məktəbi - Naxçıvan Müəllimlər İnstitutu və Bakı Avrasiya Universitetini akkreditasiyadan keçirib. Bu barədə Trend-ə çərşənbə günü Təhsil Nazirliyindən məlumat verilib.
Nazirlikdən bildirilib ki, hər iki təhsil müəssisəsinin fəaliyyəti "kafi" qiymətləndirilib və onlar akkreditasiyadan keçilmiş hesab olunublar.
Bununla da nazirlik hər iki məktəbə fəaliyyət müddətinin daha 5 il uzadılması üçün hüquqi təminat verib.
Ümumilikdə Təhsil Nazirliyi 2011-2012-ci tədris ili ərzində 9 ali məktəbi - Azərbaycan Aqrar Universiteti, Azərbaycan Əmək və Sosial Münasibətlər Akademiyası, Azərbaycan Kooperasiya İnstitutu, Azərbaycan Prezidenti yanında Dövlət İdarəçilik Akademiyası, Azərbaycan Dövlət Bədən Tərbiyəsi və İdman Akademiyası, Azərbaycan Turizm İnstitutu, Azərbaycan Milli Aviasiya Akademiyası, Azərbaycan Dövlət Dəniz Akademiyası, Bakı Dövlət Universitetini akkreditasiyadan keçirəcək. Bununla yanaşı, bu il ərzində 11 orta ixtisas təhsili müəssisəsi, 10 peşə liseyi və məktəbi, 11 ümumtəhsil məktəbinin akkreditasiyadan keçirilməsi planlaşdırılır.
Təhsil müəssisəsinin akkreditasiyası təhsil prosesinin təşkilinin, müəssisənin maddi-texniki bazasının, təhsil proqramlarının, kadr potensialının, maliyyə resurslarının və təhsil infrastrukturunun qəbul olunmuş dövlət təhsil standartlarına və digər normativ hüquqi aktların tələblərinə uyğunluğunun müəyyən edilməsi məqsədi ilə aparılır.
Akkreditasiya təhsil müəssisəsinin statusunun müəyyən edilməsi, onun fəaliyyətinin növbəti 5 il müddətinə (əcnəbilər və ya vətəndaşlığı olmayan şəxslər, xarici hüquqi şəxslər tərəfindən təsis edilmiş təhsil müəssisələrinə 3 il müddətinə) uzadılması üçün hüquqi təminat yaradır.
Aprelin 21-də 9 illik baza üzrə buraxılış imtahanı keçiriləcək
Ağcabədi rayonunun 110 min manatlıq yolu... FOTO
“WhatsApp”da yeni funksiya var
Azərbaycan baleti İtaliya səhnəsində
.jpg)
