Turan İbrahimov: “Siyasi mövqeyim ANS rəhbərliyinin xoşuna gəlmir”
Teleaparıcı Turan (Samir) İbrahimov ANS-dən çıxarılması barədə məlumat yayılıb.
Onun telekanaldan uzaqlaşdırılmasının səbəbi kimi ANS-də "Açıq söhbət" tok-şousuna müəlliflik etməsi göstərilib.
Həmin verilişdə bir müddət öncə "Azərbaycanda müxalifət varmı" mövzusunda tok-şou keçirilməsinə cəhd edilib. Verilişin qonaqları tanınmış siyasilər Fazil Musatafa və Pənah Hüseyn olmalı idi. Debat zamanı AXP lideri Pənah Hüseyn və BQP sədri Fazil Mustafa arasında dava düşüb. Hətta P. Hüseyn opponentinin üzərinə yeriyib. Baş tutmayan debatın ardınca aparıcı da bu gün televiziyadan ayrılıb. Məlumatlara görə, onun işdən çıxarılmasına səbəb ANS rəhbərliyi ilə arasındakı mübahisə səbəb olub.
Artıq sözügedən verilişin yeni aparıcı ilə çəkilişlərinə başlanılıb. T. İbrahimovun yerinə Sevinc Osmanqızı verilişin çəkilişlərinə aparıcı kimi qatılıb.
T.İbrahimov Simsar.az-a açıqlamasında faktı təsdiqləyib. Bildirib ki, ANS telekanalının rəhbərliyi sözügedən verilişə yeni aparıcı tapıb: “Mənim siyasi mövqeyim ANS-in rəhbərliyinin xoşuna gəlmir. İqtidaryönümlü olmağım Vahid Mustafayevi qıcıqlandırır. Ona görə də mənə qarşı bu addımı atıblar. Mən verilişlə bağlı rəhbərliklə rəhbərliklə əvvəlcədən müqavilə bağlamamışdım. Ona görə də asanlıqıa belə addım atırlar”.
RAMİL
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
