Tədbir Belçikada olacaq
İnsan Hüquqları üzrə müvəkkil Elmira Süleymanova yaxın günlərdə Belçikanın paytaxtı Brüsseldə keçiriləcək beynəlxalq toplantıda Şərq Tərəfdaşlığının yeni perspektivlərinin müzakirə olunacağını və bu tədbirə qatılacağının nəzərdə tutulduğunu bildirilib. O, bunu Polşanın ölkəmizdəki səfiri Mixal Labenda ilə görüşündə deyib.
Ombudsman Aparatıının mətbuat xidmətindən Simsar.az-a verilən məlumata görə, tanışlıq məqsədi daşıyan görüşdə E.Süleymanova Polşa səfirliyi ilə insan hüquqları sahəsində qarşılıqlı əlaqələrin davam etdirilməsinin əhəmiyyətini söyləyib. Görüşdə gələcək əməkdaşlığın prioritetləri müəyyənləşdirilib.
Müvəkkil Polşanın ölkəmizdəki səfirinin diplomatik missiyasının həm də hər iki ölkənin ombudsmanlarının insan hüquqları sahəsində əməkdaşlığının qurulmasında yardımçı olacağını diqqətə çatdırıb, Polşanın Ombudsmanı ilə insan hüquqları sahəsində qarşılıqlı əməkdaşlıq əlaqələrinin qurulduğunu, insan hüquqlarının müdafiəsi üzrə ikitərəfli müqavilənin imzalandığını bildirib.
Müvəkkil Avropa Birliyinin həyata keçirdiyi layihələrdə, o cümlədən Tvinninq və Şərq tərəfdaşlığı layihələrində Ombudsman təsisatının fəal iştirak etdiyini söyləyib.
M.Labenda Polşa Ombudsmanı xanım İrena Lipoviçin salamlarını və onunla görüşmək istəyini E.Süleymanovaya çatdırıb. Səfir Azərbaycan Ombudsmanı ilə qarşılıqlı fikir və məlumat mübadiləsi aparmağın mühüm əhəmiyyət daçıdığını, Müvəkkilin insan hüquqlarının müdafiəsi sahəsində səmərəli fəaliyyət göstərdiyini vurğulayıb.
Səfir səmimi qəbul və fikir mübadiləsi üçün təşəkkür edib, Azərbaycan Ombudsmanının insan hüquqları sahəsində çoxşaxəli fəaliyyətini yüksək dəyərləndirib, gələcək əməkdaşlıqda maraqlı olduğunu bildirib.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
