Məktəb sentyabrın 12-də işləyəcək
Bakının "Ramada" hotelində ARDNŞ-nin (Azərbaycan Respublikası Dövlət Neft Şirkəti) təşkil etdiyi yay məktəbi işə başlayıb. Məktəb sentyabrın 12-dək işləyəcək.
Azərbaycan iqtisadiyyatının enerji sektorunda yer alan dinamik artım gənc kadrlara tələbat yaradıb. Bunu nəzərə alan ARDNŞ ötən ildən yay məktəbinin təşkili ilə bağlı işlərə başlayıb.
"Yay məktəbinin açılmasında əsas məqsəd Azərbaycan gənclərinin, həmçinin ARDNŞ-nin hesabına xaricdə təhsil alan tələbələrin yay istirahətinin və təhsilinin təşkilidir", - şirkətin kadrlar, rejim və informasiya texnologiyaları üzrə vitse-prezidenti Xaliq Məmmədov bildirib.
Yay məktəbinin iştirakçıları enerji sektorunun praktiki olaraq bütün sahələri, o cümlədən neft və qaz yataqlarının geologiyası və geofizikası, quyuların qazılması, neft və qaz hasilatı və nəqli, neft və qaz emalı və neft kimyası, ekoloji normalar və nativ enerji mənbələri, neft və neft məhsullarının satışı üzrə məlumatlarla tanış olacaqlar.
Mühazirələr, müzakirələr və intellektual oyunlar Dövlət Neft Şirkətinin yüksək ixtisaslı işçiləri, eləcə də nüfuzlu xarici universitetlərin məzunları tərəfindən aparılacaq.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
