Bakı və Abşeron yarımadasında avqustun 30-da hava şəraitinin dəyişkən buludlu, yağmursuz keçəcəyi gözlənilir.
Ekologiya və Təbii Sərvətlər Nazirliyi Milli Hidrometeorologiya Departamentindən APA-ya verilən məlumata görə, mülayim cənub küləyi əsəcək, gündüz arabir güclənəcək.
Havanın temperaturu gecə 15-20 dərəcə, gündüz 25-30, Abşeron çimərliklərində dəniz suyunun temperaturu 22-23 dərəcə isti olacaq.
Avqustun 31-də hava dəyişkən buludlu, yağmursuz keçəcək. Cənub küləyi 8-13, gündüz arabir 15-18 m/s, gündüz yarımadanın bəzi yerlərində 20-23 m/s-dək güclənəcək.
Havanın temperaturu gecə 15-20, gündüz 27-32 dərəcə isti olacaq.
Sentyabrın 1-də hava dəyişkən buludlu, əsasən yağmursuz keçəcək. Cənub küləyinin sürəti 8-13 m/s təşkil edəcək. Havanın temperaturu gecə 17-21, gündüz 28-33 dərəcə isti olacaq.
Azərbaycanın rayonlarında avqustun 30-da əsasən yağmursuz keçəcək, gecə və səhər bəzi dağlıq rayonlarda duman olacaq. Cənub küləyi 5-10 m/s, gündüz ayrı-ayrı yerlərdə arabir 15-20 m/s-dək güclənəcək.
Havanın temperaturu gecə 14-19, gündüz 28-33, dağlarda gecə 6-11, gündüz 15-20 dərəcə isti olacaq.
Avqustun 31-i və sentyabrın 1-də də hava əsasən yağmursuz keçəcək, səhər bəzi dağlıq ərazilərdə duman gözlənilir.
Cənub küləyi 5-10 m/s, avqustun 31-də dağlıq ərazilərdə arabir 18-23 m/s-dək güclənəcək. Gecə 16-21, gündüz 30-35, dağlarda gecə 7-12, gündüz 18-23 dərəcə istgi olacaq.
Tibbi-meteoroloji proqnoza əsasən, yaxın 2 gün ərzində Abşeron yarımadasında meteoroloji amillərin zəif və mülayim tərəddüdü meteohəssas insanlar üçün əsasən əlverişli olsa da, arabir güclənən gilavar küləyi bəzi meteohəssas insanlarda narahatlıq hissi yarada bilər.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
