Təyyarə eniş edən zaman qanadları yerə dəyib
Türkiyənin baş naziri Rəcəb Tayyib Ərdoğanın Somaliyə səfəri zamanı təyyarədə təhlükənin yaşandığı bildirilib.
Simsar.az saytının Yazete.com-a istinadən verdiyi xəbərə görə, Türk Hava Yollarına aid təyyarə eniş edən zaman qanadları yerə dəyib.
Boeing 737-800 tipli Ordu təyyarəsi, yerə enişi zamanı itlə qarşılaşıblar. Pilotlar heyvanla toqquşmamaq üçün kiçik bir qaçınma hərəkəti ediblər. Təyyarənin qanadının ucu kənarda sərt daşlara sürtülüb. Təyyarədə yaşanan sarsıntı, sərnişinlər tərəfindən də hiss edilib.
Təyyarədə AK Qrup başçı vəkili Mustafa Elitaş, TOBB başçısı Rifat Hisarcıklıoğlu, Doğan Holdinq İdarə heyətinin başçısı Arzuhan Doğan Yalçındağ, İTO prezidenti Nevzat Yalçıntaş, sənətçilərdən Ajda Pekkan, Sertap Erener, Muazzez Ersoy, Nihat Doğan, həmçinin jurnalistlər, qoruma qrupu və bəzi millət vəkilləri də olub.
Baş nazir təxminən 45 dəqiqədən sonra təyyarədən düşdüyü bildirilir. Bu müddət ərzində Ərdoğan təyyarənin pilotlarıyla görüşüb.
Aynurə