ABŞ-ın səsdən 20 dəfə sürətli pilotsuz uçuş aparatı sınaq zamanı yoxa çıxıb
ABŞ istehsalı olan səsdən 20 dəfə artıq sürətli pilotsuz uçuş aparatının sınağı uğursuzluqla nəticələnib.
ABŞ Müdafiə Nazirliyi ilə bu ölkənin Müdafiə Araşdırma Layihələri Təşkilatı tərəfindən hazırlanan bu uçuş aparatını daşıyan raket əvvəlcə kosmosa çıxarılıb. “Falcon HTV-2” adlı aparat daha sonra daşıyıcı raketdən ayrılaraq, 21000 km/saat sürətlə yerə enməyə başlayarkən onunla əlaqə kəsilib və aparat itib. Müdafiə Araşdırma Layihələri Təşkilatı əlaqənin kəsildiyi barədə məlumatı Twitter vasitəsilə yayıb. Layihə dünya səviyyəli hərbi müdaxilələrin qarşısını alınması üçün hazırlanıb.