Fazil Məmmədov əmr imzaladı
"Azərbaycan Respublikasının yanacaqdoldurma məntəqələrində nəzarət-kassa aparatlarının tətbiqi haqqında" Nazirlər Kabinetinin 11 iyul 2011-ci il tarixli 111 nömrəli Qərarının icrasının təmin edilməsi məqsədi ilə Vergilər naziri Fazil Məmmədov müvafiq əmr imzalanıb.
Vergilər Nazirliyinin mətbuat xidmətindən Simsar.az-a verilən məlumta görə, əmrdə 2012-ci il yanvarın 1-dək hazırda Azərbaycan ərazisindəki yanacaqdoldurma məntəqələrində istifadədə olan nəzarət-kassa aparatlarının onların istehlakçıları tərəfindən Dövlət Reyestrinə daxil edilib, xüsusi konstruksiyalı və texniki göstəricilərə malik, o cümlədən çek verilmədən neft məhsullarının və maye qazın alıcıya satılmasını (buraxılmasını) istisna (blokirovka) edən yeni nəzarət-kassa aparatları ilə əvəz olunması və onların qeydiyyata alınması ilə bağlı bir sıra işlərin həyata keçirilməsi nəzərdə tutulur.
Yeni nəzarət-kassa aparatlarının tətbiqi ilə əlaqədar görüləcək tədbirlərin cədvəli təsdiqlənib.