Son 5 ayda Suriyada nümayişçilərlə hökumət qüvvələri arasında toqquşmada 2 min insan həlak olub, 3 min nəfər itkin düşüb
Rusiya mətbuatının verdiyi məlumata görə, BMT-nin açıqladığı bu rəqəmlərə əsaslanan Vaşinqton Suriyaya qarşı növbəti sanksiyalar tətbiq edib. Ağ Evin qərarına əsasən, Amerika şirkətlərinə Suriyanın ən nəhəng bankı olan Kommesriya Bankı ilə əməkdaşlıq qadağan edilib. Suriyanın telekommunikasiya sahəsində fəaliyyət göstərən tanınmış «Syriatel» şirkətilə də əməkdaşlıq dondurulub. Qeyd edək ki, bu qurum Suriya prezidenti Bəşər Əsədin qardaşı Əl-Əsəd rami Mahlufa məxsusdur.
«Bu sanksiyalar Suriyanın xam neft satışı imkanlarını xeyli məhtudlaşdıracaq. Çünki bu sahədə əməliyyatların əksəriyyəti Kommersiya Bankı vasitəsilə aparılır», - deyə «Wall Street Journal» yazır.