Uzun-uzadı davam edən antihökumət nümayişlərindən sonra ölkəni tərk etmiş Yəmən prezidenti Əli Abdullah Saleh istefa haqda düşünür
"RBK"nın verdiyi məlumata görə, bu ilin iyununda partlayış nəticəsində yaralanaraq müalicə üçün Səudiyyə Ərəbistanına üz tutmuş Saleh hakimiyyətin dinc yolla ötürülməsi təklifinə baxmağa da hazır olduğunu söyləyib. O, müalicəsini davam etdirdiyi Ər-Riyadda Yəmənin hakim partiyasının nümayəndələrilə görüşüb və onlarla hakimiyyətin dinc yolla ötürülməsi variantlarını müzakirə edib. Prezident bildirib ki, o, hazırlanacaq plan çərçivəsində müxalifət partiyaları, beynəlxalq qurumlar və Yəməndə problemin həllində maraqlı olan digər qüvvələrlə əməkdaşlığa hazırdır.